Խորհրդարանն այսօր քննարկեց «Փաստաբանության մասին օրենքում» փոփոխությունների նախագիծը, որով առաջարկվում է հանրային պաշտպանի գրասենյակի համար պետբյուջեից 15% հավելյալ գումար հատկացնել՝ արտաժամյա աշխատանքի համար: Հանրային պաշտպանները արտաժամյա, նաեւ գիշերային ժամերին մասնակցում են քննչական գործողություններին ու դրա դիմաց չեն վարձատրվում: Ներկայումս մեկ հանրային պաշտպանը միջինում վարում է 210 քրեական գործ:
ՔՊ խմբակցության քարտուղար Արթուր Հովհաննիսյանն ասաց, թե ժողովրդավարական գործընթացներին զուգահեռ մարդիկ ավելի շատ են սկսում վստահել պետական ինստիտուտներին, հանրային պաշտպաններին, դատական համակարգին:
Նախագիծը ներկայացնող արդարադատության փոխնախարար Լեւոն Բալյանը (լուսանկարում) ասաց, որ այժմ 92 հանրային պաշտպան կա, որոնք ստանում են 395 հազար դրամ աշխատավարձ, նախագծի ընդունման արդյունքում սրան կգումարվի լրացուցիչ 15%:
ՔՊ խմբակցության պատգամավոր Սերգեյ Բագրատյանն ասաց, որ այդ 15% աշխատավարձի հավելումը չպետք է բոլորին տան հավասարապես, միայն թող տան նրանց, որոնք արտաժամյա աշխատում են:
Կարդացեք նաև
Հռիփսիմե ՋԵԲԵՋՅԱՆ
