«Քննությունն ընթացքում է, այսօր դատախազությունը հաշվետվություն ներկայացրեց, այնպես որ, ես զերծ կմնամ մեկնաբանություններից։ Կանդրադառնամ, երբ քննչական մարմինը վերջնական եզրակացություն կտա»,- այս մասին ԱԺ այգում Հոկտեմբերի 27-ի զոհերի հիշատակին նվիրված հարգանքի տուրքի ժամանակ ասաց Հոկտեմբերի 27-ի զոհերից ԱԺ նախկին նախագահ Կարեն Դեմիրճյանի որդին՝ ԱԺ նախկին պատգամավոր Ստեփան Դեմիրճյանը։
Հարցին, թե իրատեսական համարո՞ւմ է, որ այս գործը կարող է բացահայտվել, Ստեփան Դեմիրճյանը պատասխանեց․ «20 տարուց ավելի է անցել, դժվար է, սակայն ես զերծ կմնամ այսօր մեկնաբանություններից, քանի դեռ քննչական խումբն աշխատում է։ Սպասենք, գոհ եմ, թե գոհ չեմ, կգա ժամանակը, ես կասեմ։ Բնականաբար, ես ո՞նց կարող եմ գոհ լինել, եթե առ այսօր լիարժեք բացահայտված չէ։ Քչերն են հավատում, որ այդ մարդասպանների հետեւում այլ ուժեր չեն եղել, բայց կրկնում եմ, կխոսենք ավելի ուշ, երբ կավարտվի քննությունը»։
Նա նշեց, որ Հոկտեմբերի 27-ը ծանրագույն հարված էր մեր պետությանը եւ պետականությանը։ «Հոկտեմբերի 27-ի կործանարար հետեւանքներն ակնհայտ են առ այսօր»,- հավելեց նա։
Կարդացեք նաև
Ռոզա ՀՈՎՀԱՆՆԻՍՅԱՆ
