Ռուսաստանի Դաշնությունից Հայաստան դրամական փոխանցումների բացարձակ ծավալի նվազում է գրանցվել։ Այս մասին այսօր հրավիրված ասուլիսում ասաց ՀՀ կենտրոնական բանկի նախագահ Մարտին Գալստյանը։
Chairman of the RA Central Bank Martin Galstyan gave a press conference on the topic of the refinancing rate at the RA Central Bank
Նրա ներկայացմամբ՝ դա մասամբ կարող է պայմանավորված լինել «Միր» վճարահաշվարկային համակարգի խնդրի հետ․«Բայց այդտեղ շատ ավելի մեծ ու ազդեցիկ գործոններ կան` աշխարհաքաղաքական, տնտեսական, որոնք էական ազդեցություն են ունենում այդ շարժերի վրա։ Մենք կարծում ենք, որ ինչ որ ժամանակ անց պետք է անդրադառնանք մեր աշխատանքային միգրանտների հոսքերը եւս մեկ անգամ հետազոտություն իրականացնելու հարցին, որի միջոցով կկարողանանք որոշակի միտումներ բացահայտել։ Այսինքն` երբ ե՛ւ ՌԴ–ում, ե՛ւ ՀՀ–ում որոշակի իրավիճակ է, արդյոք այդ մարդիկ նույն կամեցողությամբ ու նույն պլանավորմամբ են շարունակելու աշխատել ՌԴ–ում, թե՝ ոչ։ Ոմանք, օրինակ, ցանկանում են վերադառնալ ՀՀ, քանի որ հարաբերական այդ աշխատավարձերի ճեղքը շատ ավելի փոքր է հիմա, քան սրանից մի 10 տարի առաջ»։
Ըստ ԿԲ-ի՝ այս տարվա հունվար–մարտին նախորդ տարվա նույն ժամանակահատվածի համեմատ փոխանցումների զուտ ներհոսքը նվազել է մոտ 50%-ով, իսկ ոչ առեւտրային բնույթի փոխանցումները` մոտ 55%-ով։
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
