«Եթե շաբաթներ անց Բաքվում Արցախի ռազմաքաղաքական էլիտայի դատավճռները ընթերցվեցին, իսկ ես հավատացնում եմ, որ բոլորի դատելու են ցմահ, մենք այլեւս որեւէ հնարավորություն չենք ունենալու մեր ռազմագերիների մասին որեւէ տեղեկություն իմանալ»,- ասաց «Անվտանգություն եւ ժողովրդավարություն ՀԿ նախագահ, հասարակական-քաղաքական գործիչ Նաիրա Զոհրաբյանը «Հայելի» ակումբում եւ անդրադարձ կատարեց նաեւ Հայաստանի բանտերում պահվող անձանց եւ նրանց նկատմամբ իրականացվող դատավարություններին:
«Ի՞նչ տարբերություն: Այնտեղ Բաքվի ռազմագերիներն են, այստեղ էլ սրբազանները, մյուսները: Օրինակ, ի՞նչ պակաս ռազմագերի է Լիդիա Մանթաշյանը: Այստեղ Հայաստանը, Հայաստանի իշխանությունը օկուպացված է Բաքվի ռեժիմի կողմից եւ Բագրատ Սրբազանը, Միքայել Սրբազանը, Լիդիա Մանթաշյանը, Արա Ռոստոմյանը եւ մյուսները Բաքվի կամակատար ռեժիմի նույն ռազմագերիներն են: Հայաստանի այս ռեժիմը առաջնորդվում է նույն թուրք-ադրբեջանական օրակարգով: Այստեղ սրբազանները պահվում են բանտում, որովհետեւ այդպես է որոշել ալիեւյան ռեժիմը: Եվ այստեղ երկու կարծիք չի կարող լինել:
Նորից ուզում եմ հիշեցնել Ադրբեջանի հոգեւոր առաջնորդ Ալահշյուքյուր Փաշազադեի խոսքը, որ Հայաստանյայց Առաքելական եկեղեցին կազմաքանդող, տեռորիստական, ահաբեկչական կառույց է եւ այդ կառույցի դեմ պիտի պայքարել: Սա ասաց Ալահշյուքյուր Փաշազադեն, արեց Նիկոլը: Եվ հայ սրբազանները բերդում են, կալանավորված են, որովհետեւ այդպես է որոշել Ալիեւյան ռեժիմը:
Մարդիկ կային, որ մտածում էին, թե Արեւմուտքի ճնշման տակ Նիկոլը կարող է հրաժարվել եկեղեցու վրա գրոհից: Իսկ ես ասում եմ, որ այս երկրում երեւի 3-4 մարդ կա, որ Նիկոլին անգիր գիտի: Նրանցից մեկը ես եմ: Եթե ինքը ինչ-որ բան որոշել է, գնալու է, անելու է: Եվ երեկ էլ ԱԺ-ում հայտարարեց, որ եկեղեցու վրա գրոհն իր օրակարգում է»,-հիշեցրեց Նաիրա Զոհրաբյանը:
Կարդացեք նաև
Աշոտ ՀԱԿՈԲՅԱՆ
