ՄԱԿ-ում ՀՀ մշտական ներկայացուցիչ Պարույր Հովհաննիսյանը հանդիպել է ՄԱԿ-ի Զարգացման ծրագրի (UNDP) ադմինիստրատոր Ալեքսանդր Դե Քրոյի հետ և ընդգծել Հայաստանի ու ՄԱԶԾ միջև առկա ամուր գործընկերությունը։
Քննարկվել են Հայաստանի 2026–2030թթ. ազգային ծրագրի իրականացման հարցեր՝ առանձնահատուկ ուշադրություն դարձնելով գենդերային հավասարության առաջխաղացմանը, դիմակայունության և հումանիտար արձագանքման կարողությունների ամրապնդմանը, ինչպես նաև Կենսաբանական բազմազանության մասին կոնվենցիայի կողմերի 17-րդ համաժողովի (COP17) նախապատրաստական աշխատանքներին, որը Հայաստանը կհյուրընկալի ընթացիկ տարվա ընթացքում։
Դեսպան Հովհաննիսյանը պատրաստակամություն է հայտնել սերտորեն համագործակցել ՄԱԶԾ-ի հետ՝ հաշվի առնելով, որ Հայաստանը հանդիսանում է Գործադիր խորհրդի անդամ, արդյունավետ և նշանակալի արդյունքների ապահովման նպատակով։
Կարդացեք նաև
ՀՀ ԱԳՆ
