«Իշխանություններն ասում են` մենք ունենք լեգիտիմություն, այո՛, ունեին 2021 թվականին: Որտե՞ղ է ավարտվում այդ լեգիտմությունը, ավարտվում է այնտեղ, որտեղ ակնհայտ է դառնում, որ ժխտել են իրենց բոլոր խոստումները»,- այսօր Հակակոռուպցիոն դատարանի շենքի բակում ասաց «Ուժեղ Հայաստան» կուսակցության առաջնորդ Սամվել Կարապետյանին աջակցելու եկած կուսակցության անդամներից Հայկ Ֆարմանյանը:
Նրա խոսքով՝ քաղաքացիները չեն ընտրել գործող իշխանություններին, որ նրանք հալածեն եկեղեցին. «Մարդկանց անհիմն ձերբակալեն ու կալանավորեն, Արցախը ճանաչեն Ադրբեջանի կազմում, զիջեն մեր հողերը: Սա վկայում է այն մասին, որ իրենք այլեւս լեգիտիմություն չունեն»:
Ըստ Ֆարմանյանի՝ այս իշխանություններն առաջիկա ընտրություններում 65 տոկոս ձայն հավաքելու նշաձող են իրենց առաջ դրել, ու եթե 52 տոկոս ձայն հավաքեն, դա հաղթանակ չի համարվելու, որովհետեւ. «Ունեն առաջիկայում համապատասխան պահանջներ Թուրքիայի կողմից դրված ու ցանկանում են փոխել ՀՀ Սահմանադրությունը, իրենց առաջ դրած նշաձողն իրենց պետք է հետագա նենգ ծրագրերն իրականացնելու համար»:
Կարդացեք նաև
Գորիսի նախկին փոխքաղաքապետ Իրինա Յոլյանն էլ նկատեց, որ պետք է վերջ տալ ատելության ու պառակտիչ մթնոլորտին, որովհետեւ այն խարխլում է մեր պետականության հիմքերը:
Արփինե ՍԻՄՈՆՅԱՆ
