«Ապառաժ». 2020թ․ Արցախում ապրում էր մոտ 148,000 մարդ։ Բռնի տեղահանվելուց առ այսօր նրանցից ընդամենը շուրջ 19,000-ն է ստացել ՀՀ քաղաքացիություն՝ մոտ 13%։ Այսինքն՝ ժողովրդի ճնշող մեծամասնությունը՝ շուրջ 87%-ը, կորցրել է հայրենիքը, բայց դեռ չի ստացել նույնիսկ լիարժեք կարգավիճակ նոր իրականության մեջ։ Այս մասին ֆեյսբուքի իր էջում գրել է Արցախի գյուղատնտեսության նախկին նախարար Նորայր Մուսայելյանը՝ անդրադառնալով ՆԳ նախարար Արփինե Սարգսյանի «Հայաստանը գրավիչ երկիր է դառնում ԼՂ-ից տեղահանված անձանց համար» արտահայտությանը։
«Սա հպարտանալու վիճակագրություն չէ։ Սա էթնիկ զտման և հայրենազրկման հետևանք է։ Երբ մարդկանց հայրենիքից զրկում են, իսկ հետո նրանց մի փոքր մասին տրվում է քաղաքացիություն, դա «գրավչություն» չէ — դա կրկնակի աղետ է։ Պետք է կոչերը փոխարինել իրական գնահատմամբ։ Որովհետև թվերը չեն խաբում։ «Գրավիչ պետությո՞ւն»՝ թվերի իրական դեմքը»,- գրել է նա։
