Ի՞նչը ստիպեց Հայաստանի ԱԳՆ-ին՝ այդպես ջերմագին շնորհավորել Իսրայելին անկախության օրվա առթիվ։ Իրավիճակի չհասկանա՞լը, թե՞ հակառակը՝ ամեն ինչ լավ էլ հասկանալը։
Մեր բարեկամ, մեր կարևորագույն հարևաններից Իրանը փաստացի պատերազմի մեջ է Իսրայելի հետ։
Այն Իրանը, որի տարածքով է անցնում մեր ռազմավարական ամենակարևոր ճանապարհներից մեկը, եթե ոչ՝ այս պահի ամենակարևորը, այն Իրանը, որի վրա էր (և է) Սյունիքի անձեռնմխելիությունը։ Հայաստանն այս պահին, ի դեմս այս իշխանությունների, իրեն սխալ է պահում և՛ որպես հարևան, և՛ որպես տարածաշրջանային պետություն։
Կարդացեք նաև
Ի դեպ, Հայաստանի ջերմ պահվածքը, Իրանից բացի, ակնհայտորեն նյարդայնացնելու է Թուրքիային, ու չզարմանաք պատասխանը այս կամ այն կերպ տեսնելուց։
Մի քանի տարի առաջ իսրայելական զենքով մեր բնակավայրերն էին ռմբակոծվում, ու Իսրայելը մեծապես աջակցում էր Ադրբեջանին։ Լավ, պետական մտածողությունը մի կողմ, տարրական մարդկային որակներ էլ չկա՞ն։
Ի դեպ, Ադրբեջանը Հայաստանի համեմատ ավելի զուսպ է շնորհավորել՝ չնշելով «հետագա համագործակցության» մասին։
Վահե Հովհաննիսյան
Այլընտրանքային նախագծեր խումբ
