«Նորմալ է, բոլոր հարցերն էլ կլուծվեն։ Էդպիսի՜ հարցեր ենք լուծել»,- Հանրապետության հրապարակում, լրագրողների հետ զրույցում ասաց ՀՀ էկոնոմիկայի նախարար Գեւորգ Պապոյանը՝ պատասխանելով ՌԴ-ում «Ջերմուկ» հանքային ջրի վաճառքի հետ կապված խնդիրների մասին հարցին։
«Ջերմուկի» հետ կապված այս պատմության մեջ Գեւորգ Պապոյանը քաղաքական ենթատեքստ չի տեսնում։
Անորա՞կ է՝ հարցին էլ պատասխանեց․ «Նորմալ է, բոլոր հարցերն էլ կլուծենք։ Որոշ կոնյակ արտադրողների ես եմ կանգնեցրել, ստուգումների ենք տարել, բա պետություն ենք, պետք է հավատացած լինենք, որ մեր երկրից դուրս եկող ապրանքը բարձր որակի է»։
«Ես հավատացած եմ, որ մեր «Ջերմուկը» համապատասխանում է բոլոր չափանիշներին։ Ես բացարձակ կասկած չունեմ, որ հարցը լուծվելու է եւ շարունակելու ենք արտահանել մեծ քանակներով»,- հարցը եզրափակեց նախարարը։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ



















































