Նոր Նորքում իրազեկման արշավից հետո «Ուժեղ Հայաստանի» անդամները հանդես եկան ելույթներով:
«Չարենցի հայտնի խոսքերն են՝ ով հայ ժողովուրդ, քո ուժը քո միասնության մեջ է: Եվ այսպես, երբ որ մարդամեկը երկիրը պառակտում է, ժողովրդին քայքայում է, ատելություն է սերմանում, ապա գալիս է Սամվել Կարապետյանը եւ իր ուժով, կամքով բերում է հենց այդ միասնությունը:
Եվ իզուր չէ, որ այսօր մեկ տասնյակից ավել կազմակերպություններ միավորվել են «Ուժեղ Հայաստանի» եւ Սամվել Կարապետյանի շուրջ, տասնյակ կուսակցություններ, կազմակերպություններ, շարժումներ, այդ թվում Հայաքվեն միավորվել են, հետեւաբար մեզ անհրաժեշտ են փոփոխություններ: Իսկ փոփոխությունների համարն է համար 3-ը»,-ասաց Արմեն Մանվելյանը:
Լիանա Մանուկյանն ասաց, որ երկար տարիներ ապրել է Նոր նորքում եւ ճանաչում է համայնքի ամեն անկյունը, գիտի խնդիրները. «Ես գիտեմ այն դժվարությունները, որոնց հետ ամեն օր բախվում են ծնողները՝ իրենց երեխաներին դպրոց կամ մանկապարտեզ տանելիս, բակում զբոսնելիս եւ կամ ուղղակի վաղվա օրը պլանավորելիս: Որպես մարդ, ով ձեզ հետ նույն շենքի մուտքով է մտել, նույն հոգսով է ապրել, շատ լավ գիտեմ, թե ընտանիքը մեծացնելու որոշումն այսօր ինչ ծանր պատասխանատվություն է դարձել շատերի համար: Հենց այս նպատակով «Ուժեղ Հայաստան» դաշինքը՝ Սամվել Կարապետյանի գլխավորությամբ ներկայացնում է ծրագիր, որն առաջարկում է հստակ լուծում: Մենք ստեղծելու ենք Ազգային վերածննդի հիմնադրամ»:
Կարդացեք նաև
Բոլոր ելույթներն՝ ամբողջությամբ
Գոհար ՀԱԿՈԲՅԱՆ
