«Քվեարկեցի Հանուն Հանրապետության, հանուն անկախության, ինքնիշխանության, հանուն պետականության, հանուն մեր երեխաների ժպիտների, որոնք պիտի լինեն միշտ ու հանուն հարատեւ խաղաղության»,-Սյունիքի մարզի 35/03 ընտրատեղամասում քվեարկելուց հետո լրագրողների հետ ճեպազրույցում ասաց Սյունիքի մարզպետ Ռոբերտ Ղուկասյանը։
Սյունիքի մարզն ընդգրկում է 2 ընտրատարածք՝ թիվ 34 ու թիվ 35։ Մարզում ձեւավորվել է 151 ընտրական տեղամաս, որից մեկը «Գորիս» ՔԿՀ-ում։ Ընտրողների թիվը 106 հազար 972 է։ Ընտրողների կուտակումներ է նկատվում որոշ ընտրատեղամասերում, ինչը, ըստ տեղամասային ընտրական հանձնաժողովների նախագահների՝ բնական է։
«Այս պահի դրությամբ մարդիկ շատ ակտիվ մասնակցում են, որեւէ էական խնդիր չի արձանագրվել այս պահին։ Հաճելի է ընդգծել, որ մարդիկ բարձր տրամադրությամբ են գալիս ընտրատեղամասեր»,-ասաց Ռոբերտ Ղուկասյանը։
Սյունիքի մարզպետի ճեպազրույցի այլ մանրամասները՝ տեսանյութում
Կարդացեք նաև
Արմեն ԴԱՎԹՅԱՆ
