ՀՀ ԱԺ «Քաղաքացիական պայմանագիր» խմբակցության պատգամավոր Մարիա Կարապետյանը գրում է.
«Հիշո՞ւմ եք՝ երկու ամիս առաջ մեր ընդդիմությունը ինչպես էր ոգևորվել Հունգարիայի ընտրություններում բարձր մասնակցությունից (ինչը այդ երկրում սովորական բան է) և չնկատելու տվել, թե ինչ բովանդակություն ունեին այդ ընտրությունները։
Նրանք ևս մի բան չէին նկատել այդ ընտրություններում։ Առաջին արդյունքների հիման վրա՝ ժամը 21:00-ին պարտվող կողմը արդեն զանգել էր հաղթող կողմին և շնորհավորել հաղթանակի կապակցությամբ։
Ֆրանսիայի 2017 թվականի ընտրություններում ևս ընդդիմադիր Լը Պենը՝ կրկին առաջին արդյունքների հիման վրա՝ ժամը 20:00-ից քիչ անց շնորհավորել էր Մակրոնին հաղթանակի կապակցությամբ։
Կարդացեք նաև
Հայաստանում ընտրությունները աշխարհի ամենաթափանցիկ ընտրություններն են։ Ընտրատեղամասում քվե կեղծելը ուղղակի անհնար է՝ կտրոնների, հրապարակվող ստորագրությունների և դրոշմանիշներով քվեաթերթիկների թիվը պետք է լինի նույնը։
Հիմա ընդդիմությունը ԱՐԺԱՆԱՊԱՏԻՎ պարտվելու փոխարեն, գնացել-կորել է «խորքային վերլուծությունների» խորխորատներում»։
