ԱԺ ընտրությունների օրը հավատացյալները նկատել են, որ կոտրված են Գյումրու Սուրբ Գրիգոր Լուսավորիչ եկեղեցու կամ, ինչպես հայտնի է՝ «Գեղցոնց ժամի», պատուհանների ապակիները։
Քիչ առաջ եկեղեցասեր երիտասարդ, Միքայել Սրբազանի հոգեզավակ Աբրասիմ Աթոյանը տեսանյութ էր հրապարակել՝ ցույց տալով, որ կոտրել են Գյումրու Սուրբ Գրիգոր Լուսավորիչ եկեղեցու՝ «Գեղցոնց ժամի» պատուհանների ապակիները։
Դեպքը, ըստ տեղեկությունների, տեղի է ունեցել ԱԺ ընտրություններին նախորդող օրը՝ շաբաթ օրը, բայց հավատացյալները այն նկատել են հունիսի 7-ին՝ ԱԺ ընտրությունների օրը։
Թե ո՞րն է նման հանցագործություն կատարելու պատճառը՝ հակաեկեղեցական արշավի շրջանակներո՞ւմ է, թե՞ պարզապես շարքային խուլիգանություն, Շիրակի թեմի Տեր Փավստոս քահանա Սարգսյանը Aravot.am-ին խոստացավ այս թեմայի շուրջ հարցազրույց տալ վաղը։
Նունե ԱՐԵՎՇԱՏՅԱՆ
