Կենտրոնական ընտրական հանձնաժողովը (ԿԸՀ) հուլիսի 8-ի հերթական նիստում ուժը կորցրած է ճանաչել 2026 թվականի հունիսի 7-ին կայացած Ազգային ժողովի հերթական ընտրություններին մասնակցած «Ուժեղ Հայաստան» կուսակցությունների դաշինքի ընտրական ցուցակում ընդգրկված 105 պատգամավորության թեկնածուների գրանցումը։
Թեկնածուներն ավելի վաղ ներկայացրել էին ինքնաբացարկի դիմումներ, ինչի հիման վրա հանձնաժողովը որոշել է ուժը կորցրած ճանաչել նրանց գրանցումները։
Ինքնաբացարկ ներկայացրածներն են՝ Դավիթ Դավթյանը (40-րդ համար), Իսկուհի Արշակյանը (45-րդ), Վահան Հովհաննիսյանը (64-րդ), Գոռ Ղազարյանը (70-րդ), Հասմիկ Ամիրզադյանը (93-րդ), Էդգար Սարգսյանը (94-րդ), Արման Ավետիսյանը (95-րդ), Ռուզաննա Կուրազյանը (96-րդ), Ավագ Վարդանյանը (97-րդ), Լևոն Վարշամյանը (98-րդ), Անի Մելոյանը (99-րդ), ինչպես նաև ցուցակի հաջորդ տասնյակ թեկնածուները՝ մինչև 199-րդ համարը ներառյալ։
Կարդացեք նաև
Արփինե ՍԻՄՈՆՅԱՆ
