«Ակնհայտ է, որ այստեղ ընտրությունները կապ չունեն, Թևանյանի նկատմամբ ճնշումները սկսվել էին ընտրություններից առաջ, բնականաբար, այդ ամեն ինչը պետք է շարունակվեր։ Եթե մտածում էին, որ Փաշինյանը կանգ է առնելու ընտրություններով, չարաչար սխալվում էին, որովհետև քաղաքական հետապնդումներն ու բռնաճնշումները շարունակվելու են»,- նշեց «Մայր Հայաստան» կուսակցության անդամ Դերենիկ Մալխասյանը։
«Հիմնական նպատակը, բնականաբար, ոչ միայն Անդրանիկ Թևանյանին մեկուսացնելն էր, որը հաջողությամբ իրականացրել են, նույնիսկ տեսակցություններն են արգելված, այլ «Մայր Հայաստանին» որպես կառույց կազմաքանդելը, լուծարելը, վարկաբեկելը։
Արեգնազ Մանուկյանի հետ կապված էլ ասում են պետական գաղտնիքի հրապարակում, ինչն աբսուրդ է… Հայաստանում չկա իրավաբանություն, սահմանադրական սկզբունքներ։ Ամեն ինչ անում են «Մայր Հայաստանին» որպես քաղաքական ուժ վարկաբեկելու համար»,- ասաց Մալխասյանը։ Նաև նշեց, որ ռեպրեսիաները շարունակվելու են և վերաբերվելու են նաև մյուս ընդդիմադիր ուժերին, որոնք խանգարում են գործող իշխանությունների որոշ ծրագրերի իրականացմանը։ Նա ասաց, որ դատարանից սպասելիքներ չունի։
Կարդացեք նաև
Գոհար ՀԱԿՈԲՅԱՆ
