Փաստաբան Վահե Գրիգորյանն իր ՖԲ էջում գրառում է կատարել.
«Վերաքննիչ Վարչական դատարանը ևս հաստատեց, որ 2024 թվականի համար կարմիր գծերի թանկացումը ոչ իրավաչափ էր։
Այսպիսով, Հայաստանի Հանրապետության Վարչական դատարանները եզրափակիչ դատական ակտերով հաստատել են Մեր պնդումը, որ ռեժիմը թե՜ 2024, թե՜ 2025թ ոչ իրավաչափորեն է ՀՀ քաղաքացիների համար թանկացրել կարմիր և կապույտ գծանշումներով ավտոկայանատեղիների վճարը։
Ականջդ կանչի’, քաղբանտարկյալ Անդրանիկ Թևանյան»:
Թեմային անդրադարձել է նաեւ Երեւանի ավագանու «Մայր Հայաստան» խմբակցության ներկայացուցիչ Մանուկ Սուքիասյանը, գրելով.
«Մայր Հայաստան» խմբակցությունը վերաքննիչ դատարանում հաղթեց կարմիր կետագծերի նաեւ 2024թ. թանկացման դեմ գործը։ Նախկինում հաղթել էինք 2025թ. թանկացումը։ Նաեւ այս հաղթանակները «չներվեցին» Թեւանյանին»:
Կարդացեք նաև
Նա նաեւ հրապարակել է վերաքննիչի որոշումը (լուսանկարում):
Դատարանի որոշման մեջ գրված է. «Երեւան քաղաքի ավագանու վերաքննիչ բողոքը մերժել»:
Հիշեցնենք, որ Վերաքննիչ բողոք էր տարել Երեւանի քաղաքապետարանը, այն բանից հետո, երբ Վարչական դատարանը որոշել էր անվավեր ճանաչել Երևան քաղաքի «կարմիր գծերի» համար սահմանված տեղական վճարին վերաբերող ավագանու որոշման մի շարք դրույթներ:
Չնայած դատարանների որոշումներին՝ կարմիր գծերի համար շարունակում են ուժի մեջ մնալ թանկացած վճարները:
