Վավերագրող ռեժիսոր Հովհաննես Իշխանյանը «Հայելի» ակումբում անդրադառնալով իրավապահ համակարգի գործելաոճին եւ այդ ֆոնի վրա երկրում հանցագործությունների՝ սպանությունների, կրակոցների աճին՝ դրա մեղավոր կարգեց մեկ մարդու՝ վարչապետին։
«Նրա համար անձնական ցանկությունների իրականանալն ավելի կարեւոր է, քան, օրինակ, հանցավորության դեմ պայքարը։ Նրա ցանկությունը 90-ականներին նրա գրած հոդվածներն են»,-ասաց Հովհաննես Իշխանյանն ու նշեց, «Այս իրավիճակից դուրս գալու պայմանն այն է, որ այդ զավթիչից իշխանությունը վերադարձնել։ Բայց այդ զավթիչը գիտի, որ եթե իշխանությունը վերադարձվի, սկսվելու է օրինականության, արդարադատության ու արդարության վերականգնման շրջան։
Ու դրա համար այդ մեկն ավելի ագրեսիվ է կպել աթոռից։ Նույնիսկ տեսնում ենք, որ Ադրբեջանն է իրեն օգնում, որ իշխանությունը պահի ու զիջումներ կատարի։ Եթե Թուրքիան ու Ադրբեջանը իրեն օգնում են, որ իշխանությունը պահի, բնականաբար, այդ մարդն էլ պետք է նրանց քմահաճույքները կատարի»։
Հովհաննես Իշխանյանը անդրադարձով նաեւ սոցիալական խնդիրներին, որոնց լուծման ուղղությամբ պետությունը թերանում է։ «Սրանց համար պետությունը միայն իրենց ուտել-խմելու, ճամփորդելու, մեկ էլ՝ իրենց քինախնդրությամբ մարդկանց վատություն անելու համար է։ Ընդդիմադիր ուժերը սոցիալական ապահովության հետ կապված բաներ խոստանում էին, որոնց պայմաններում մարդն իրեն պետք ավելի լավ զգար այս պետությունում։ Սա հակառակն է անում, մարդկանց ավելի է աղքատացնում։ Սրա համար ոչ թե աղքատությունը մարդկանց գլխում է, այլ նույնիսկ եթե դու աղքատ չես, իր գլխով ինքը քեզ կաղքատացնի։ 150 հազար մարդ նորմալ ապրում էին, տուն ու տեղ ունեին… Այդ բոլորը՝ մարդկանց ամբողջ ունեցվածքը, հանձնեց Ադրբեջանին։ Սրանք մարդկանց ապահովության թշնամիներն են։
Կարդացեք նաև
Նույնը Գագիկ Ծառուկյանի պարագայում է։ Գագիկ Ծառուկյանից իրենց վրեժը լուծելով՝ տասնյակ հազարավոր մարդկանց այս իրավիճակն են գցել։ Մեկը ընտանիքի հիվանդ անդամ ունի, մեկը՝ վարկ ու էլի նման շատ բաներ։ Սրանք պարզապես վրեժխնդիր են լինում աշխատավորներից եւ հայ ժողովրդից»,-ասաց նա։
Աշոտ ՀԱԿՈԲՅԱՆ
