Ermenihaber. Թուրքիայի Անթալիա նահանգի Քաշ շրջանում հուլիսի 28-ին բռնկված անտառային հրդեհի մարման աշխատանքները շարունակվում են արդեն 2-րդ օրը:
Ըստ աղբյուրի՝ հրդեհը սկսվել է Ուզյումլյու թաղամասում: Ցամաքային խմբերը դժվարամատչելի, զառիթափ և ժայռոտ տեղանքում հրդեհաշիջման աշխատանքները շարունակել են նաև գիշերվա ընթացքում:
Հրդեհի դեմ պայքարում ներգրավված է 26 ջրատար, 9 ջրամատակարարման մեքենա, 5 արագ արձագանքման մեքենա և 155 մասնագիտական ու տեխնիկական անձնակազմ: Առավոտյան հրդեհաշիջման աշխատանքներում ներգրավվել են նաև ուղղաթիռներ ու ինքնաթիռներ:
