ՀՀ Աշխատանքի և սոցիալական հարցերի փոխնախարար Տաթևիկ Ստեփանյանի ֆեյսբուքյան գրառումը
Նոր կառավարության ձևավորման շրջանակում ՀՀ աշխատանքի և սոցիալական հարցերի նախարարությունն այսուհետ ունենալու է նախարարի երեք տեղակալ, և որոշում է կայացվել, որ ես լինելու եմ այն տեղակալը, ով չի վերանշանակվելու։ Այսպիսով, ավարտվում է պետական ծառայության իմ՝ ավելի քան վեցամյա, չափազանց կարևոր, պատասխանատու և հիշարժան փուլը։
Ես ընդամենը կատարել եմ իմ պարտքը, իմ պարտականությունները և ոչ ավելին։ Ուղղակի փորձել եմ պարտականություններս կատարել առավելագույնս արդյունավետ, քանի որ սոցիալական ոլորտում աշխատանքը հյուսվում է սոցիալապես խոցելի մարդու շուրջ, իսկ, ըստ իս, պատասխանատու պաշտոններ զբաղեցնող մարդու համար մարդակենտրոն վարքը կյանքի կրեդո է, գրեթե՝ Հիպոկրատի երդում։
