Վանյա Մխիթարյանից հետո թափուր մնացած ԿԸՀ փոխնախագահի պաշտոնի հնարավոր հավակնորդներ են նշվում Ռուբեն Մանուկյանն ու Ռուբեն Հովհաննիսյանը։ Չնայած հավանական է, որ այս պաշտոնը դարձյալ կոմկուսի ներկայացուցչին փոխանցվի։
ՆԱԽԱԳԱՀԻՆ ՊԵՏՔ Է ՀԵՌՎԻՑ ՆԱՅԵԼ
ՀՀ նախագահի՝ Վանաձոր կատարելիք այցի առնչությամբ սպառնալից հանձնարարականներ են տրվել տեղական իշխանությունների կողմից՝ առանձին ղեկավարների։ Մասնավորապես, բնակչության հետ հանդիպումների ընթացքում թույլ չպիտի տրվի, որ ինչ-որ «թափթփուկներ» փորձեն մոտենալ նախագահին։ Մտահոգությունը, հավանաբար, ոչ թե նախագահին չանհանգստացնելու առնչությամբ է, այլ՝ որ հանկարծ որեւէ դժգոհություն չհնչի ի վնաս տեղական իշխանությունների։
Կարդացեք նաև
ՆՈՐ ԲԱՌԱՊԱՇԱՐ
Լոնդոնյան «Օբսերվերը», նշելով, որ Պուտինի արտահայտությունները տարբերվում են Գորբաչովի եւ Ելցինի բառապաշարից, պատմում է, որ զոհված նավաստիների հարազատների հետ հանդիպելիս, պատասխանելով, թե ինչու Ռուսաստանը պետք է հույսը դնի նորվեգացի ջրասույզների վրա եւ ինչու չկան ռուսաստանցի մասնագետներ, ՌԴ նախագահն ասել է. «Այս երկրում վՌ ՒՌչՈ չկա»։ Այնուհետեւ նույն զրույցում Պուտինը բացականչել է. «Ես կարող եմ պատասխանատվություն վերցնել իմ իշխանության 100 օրվա համար։ Ինչ վերաբերում է վերջին 15 տարիներին, կարող եմ նստել ձեր կողքին եւ նրանց հարցեր տալ»։ Ափսոս Պուտինի կողքին չէր մեր նախագահը, թե չէ նա կբացատրեր, թե ինչն է խանգարում վատ պարողին։
