Լրահոս
Օրվա լրահոսը

Րաֆֆի Հովհաննիսյանը Ժիրայր Սեֆիլյանին հորդորեց, որ խումբ ստեղծեն եւ հիմա գնան օդանավակայան

Ապրիլ 05,2013 21:16

Ազատության հրապարակում ամփոփելով այսօրվա հանրահավաքը՝ Րաֆֆի Հովհաննիսյանը հորդորեց, որ ոչ ոք իրեն չսպառնա ուղղակի կամ անուղղակի: Խոսելով Ժիրայր Սեֆիլյանի առաջարկի մասին, որ թող Րաֆֆի Հովհաննիսյանը այս հարթակից սպառնա մտավորական Վարպետյանին Հայաստան մտնել չթողնողներին՝ նա ասաց. «Այո, պահանջում ենք որ Վարպետյանը եւ մեր հայրենակիցները Հայաստան վերադառնալու իրավունք ունենան»:

Նա հորդորեց Ժիրայր Սեֆիլյանին, որ խումբ ստեղծեն եւ հենց հիմա գնան Զվարթնոց օդանավակայան՝ պահանջելու Վարպետյանի մուտքը. «Որեւէ մեկը հայ ժողովրդի եւ հայրենիքի ճշմարտությունը իրավունք չունի սեփականաշնորհելու՝ ոչ Սարգսյան, ոչ, Հովհաննիսյան, ոչ Սեֆիլյան, սա հայ ժողովրդի ճշմարտությունն է, եւ մենք գնալու ենք մինչեւ վերջ»:

Հիշեցնենք, որ քիչ առաջ Ազատության հրապարակում Անդրիաս Ղուկասյանը Րաֆֆի Հովհաննիսյանից 50 հազար մարդ էր ուզել: Նա պատրաստվում էր ապրիլի 9-ին շրջապատել Սերժ Սարգսյանին այդ մարդկանցով: Րաֆֆի Հովհաննիսյանն Անդրիաս Ղուկասյանի այդ առաջարկին չանդրադարձավ:

 

Հռիփսիմե ՋԵԲԵՋՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2013
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930