Ինչպես արդեն տեղեկացրել էինք՝ կառավարությունը հրապարակել է Մաքսային միությանը Հայաստանի անդամակցության «ճանապարհային քարտեզը»։
256 գործողությունների ծրագիրը, բաղկացած է 20 գլուխներից:
Aravot.am-ը կանդրադառնա դրանցից մի քանի կետի.
Առաջին կետով նախատեսվում է Մաքսային միությունում մաքսային իրավահարաբերությունները կարգավորող այն միջազգային պայմանագրերի ցանկի արդիականացում, որոնց միանալը Մաքսային միությանն անդամակցելու հետ մեկտեղ Հայաստանի Հանրապետության համար պարտադիր է:
Կարդացեք նաև
Պայմանագրում նշված է. «Մաքսային միության հանձնաժողովի և Եվրասիական տնտեսական հանձնաժողովի՝ Մաքսային միության օրենսգրքին և մաքսային իրավահարաբերությունները կարգավորող միջազգային պայմանագրերին համապատասխան ընդունված այն որոշումների ցանկի արդիականացում, (որոնց ընդունումը մեր երկրի կողմից կատարման համար պարտադիր է)»:
Երկրորդ կետով նախատեսվում է Մաքսային միության հանձնաժողովի և Եվրասիական տնտեսական հանձնաժողովի՝ Մաքսային միության օրենսգրքին և մաքսային իրավահարաբերությունները կարգավորող միջազգային պայմանագրերին համապատասխան ընդունված այն որոշումների ցանկի արդիականացում, (որոնց ընդունումը մեր երկրի կողմից կատարման համար պարտադիր է):
Պայմանագրի երրորդ կետում նշված է. « Սահմանել այն նորմատիվ իրավական ակտերի ցանկը, որոնցում անհրաժեշտ է լինելու կատարել փոփոխություններ՝ դրանք Մաքսային միության օրենսդրությանը համապատասխանեցնելու համար, իսկ ոմանք էլ պետք է ուժը կորցրած ճանաչվեն»:
Նախատեսվում է նաեւ ֆիզիկական անձանց կողմից ապրանքների եւ տրանսպորտային միջոցների տեղափոխման կարգի նախապատրաստում եւ կիրառում եւ այս համատեքստում Մաքսային միության իրավական ակտերի ուսումնասիրություն եւ համապատասխան իրավական ակտի նախագծի մշակում:
Ամբողջական պայմանագրին կարող եք ծանոթանալ այստեղ: