Օրերս «Փաստինֆո» լրատվական կայքը տեղեկություն էր տարածել, որ «Արայ» ընկերությունը դիմել է վարչական դատարան` Տնտեսական մրցակցության պաշտպանության պետական հանձնաժողովի՝ 2013թ. հուլիսի 30-ի որոշումն անվավեր ճանաչելու պահանջով: Ընդ որում, ըստ «Փաստինֆոյի» հանձնաժողովը անբարեխիղճ մրցակցության եւ սպառողներին մոլորեցնելու համար ընկերությանը տուգանել է, ինչի համար էլ «Արայը» դիմել է դատարան:
Aravot.am-ը «Արայ» ընկերությունից փորձեց պարզել, թե ինչո՞ւ ՏՄՊՊՀ-ի մեկ տարի առաջ կայացրած որոշումը հիմա են ուզում բողոքարկել: «Արայից» մեզ վստահեցրին, որ իրենք դատարան չեն դիմել, եւ ոչ էլ տուգանվել են Տնտեսական մրցակցության պաշտպանության պետական հանձնաժողովի կողմից, եւ ինչ-որ թյուրիմացություն է տեղի ունեցել: Ընդ որում, «Փաստինֆոն» արդեն այդ լուրը հեռացրել է իր կայքից:
Իսկ 2012 թվականին ՏՄՊՊՀ-ն հայտարարել էր, որ «Արայ» ընկերությունն Ամանորին ընդառաջ սպառողներին հաղորդագրություններ է ուղարկել հետեւյալ բովանդակությամբ. «Շնորհավորում ենք, դուք ընտրվել եք՝ որպես եզակի ակցիայի մասնակից: Ներկայացրեք այս SMS-ը ցանկացած «Արայ» վաճառասրահ եւ ստացեք մինչեւ 100 հազար դրամ զեղչ»:
Հանձնաժողովը պարզել էր, որ «Արայ»-ը այդ SMS-ով գայթակղել եւ իր խանութներ է հրավիրել բազմաթիվ քաղաքացիների, որոնք էլ պարզել են, որ ակցիան տարածվում է հատուկենտ ապրանքների` առավելապես բարձր գնային շեմ ունեցող ապրանքների վրա:
Կարդացեք նաև
«Արայ» ընկերությունից, սակայն մեզ վստահեցրին, որ հանձնաժողովը, ինչպես նշել է լրավամիջոցը, ուսումնասիրել էր խնդիրը եւ անբարեխիղճ մրցակցության դրսեւորում ընկերության կողմից չէր հայտնաբերել:
Նելլի ԲԱԲԱՅԱՆ
