Լիլիթ Մկրտչյանը շարունակում է փայլել երկրորդ խաղատախտակի առջեւ:
Շախմատի Հայաստանի կանանց հավաքականը այսօր կարեւոր հաղթանակ տարավ Կուբայի ընտրանու նկատմամբ: Այսօր՝ վեցերորդ տուրում մեր աղջիկները պարտության մատնեցին Կուբայի թիմին՝ 2,5:1,5: Տրոմսյոյում առաջին հաղթանակը տոնեց Հայաստանի լավագույն կին շախմատիստուհի Էլինա Դանիելյանը, իսկ երկրորդ խաղատախտակի առջեւ հանդես եկող Լիլիթ Մկրտչյանը շարունակում է փայլել: Լիլիթն անցկացրած վեց պարտիաներում այսօր հինգերորդ անգամ մրցակցին ստիպեց անձնատուր լինել: 5,5 միավորով հայ շախմատիստուհին հավակնում է դառնալ օլիմպիադայի լավագույն մասնակիցներից մեկը: Լիլիթ Գալոյանը երրորդ խաղատախտակի առջեւ պարտվեց, իսկ Մարիա Կուրսովան վաստակեց կես միավոր:
Աշոտ ՀԱԿՈԲՅԱՆ
Լուսանկարը՝ armchess.am-ի
