Ոստիկանության ներքին անվտանգության վարչության պետ Արմեն Հակոբյանը վստահեցնում է, որ իրականությանը չեն համապատասխանում լուրերը, թե իրենց վարչությունում իրենց գործընկեր ոստիկանների գործերի քննությունն անաչառ չի կատարվում:
Ըստ նրա, «Նյութերի նախապատրաստման ընթացքում, եթե ի հայտ են գալիս ոստիկանի կողմից կատարված հանցագործության հատկանիշներ, ծառայողական քննության ընթացքը կասեցվում է, նյութերն ուղարկվում են հատուկ քննչական ծառայություն»:
Իսկ նրանց, որոնք պնդում են, թե ներքին անվտանգության վարչությունը իրենց գործընկերների վարքը քննելիս աչք է փակում, պարոն Հակոբյանը իր խորհուրդն ուղղեց. «Նման բան ասողներին խորհուրդ կտայի օրենքով սահմանված կարգով ոստիկանության գործողությունները կարող են բողոքարկել հատուկ քննչական ծառայությունում: Ներքին անվտանգության ծառայության կատարած ծառայողական քննությունը պարտադիր բնույթ չի կրում հատուկ քննչական ծառայության համար»:
Հարցին, թե օրենքով ի՞նչ է նախատեսված կույր մարդուն փողոցում թողնելու դեպքում, Ոստիկանության հասարակայնության եւ լրատվության հետ կապի վարչության պետ Աշոտ Ահարոնյանն ասաց՝ նախատեսվում է, եթե քրեորեն արարք լինի, գործը կփոխանցվի ՀՔԾ:
Կարդացեք նաև
Նա վստահեցրեց, որ ոստիկանապետն անձամբ տեղյակ է դեպքի մասին ու նրա ցուցումով է ծառայողական քննություն սկսվել:
Պարոն Ահարոնյանը դիմեց նաեւ պարոն Հակոբյանին, որ հրապարակի, թե անցած տարի ծառայողական քննության արդյունքով քանի՞ ոստիկան է հեռացվել համակարգից: Հարցը կիսատ թողեց մի կին.«Հեռացվել են, հետո նորից բարձր պաշտոններ են զբաղեցրել»:
«Հեռացված անձը չի կարող պաշտոն զբաղեցնել»,- պատասխանեց պարոն Ահարոնյանը ու անուն պահանջեց:
«Անձամբ ինձ հետ պատահած: Այդ ոստիկանը խուլիգանության համար հեռացվեց, Արայիկ Պետրոսյան՝ կատարյալ խուլիգան»:
Հիշեցնենք, որ Արայիկ Պետրոսյանը Արաբկիր վարչական շրջանի փոխոստիկանապետն էր ու Կոմիտաս 5 հասցեում իրականացվող շինարարության դեմ կազմակերպված ակցիաներից հայտնի էր որպես սեռական բնույթի հայհոյանքներ տվող ու աղջիկներին սեռական բնույթի առաջարկություններ անող ոստիկանության աշխատակից:
Այս վերանշանակմանը ոստիկանության պաշտոնյաները չանդրադարձան: Իսկ ներքին անվտանգության վարչության պետը մեզ ասաց, որ Արայիկ Պետրոսյանի նշանակման մանրամասները ու նորից համակարգ վերադառնալու պատճառները կտրամադրեն գրավոր հարցման դեպքում:
Արփինե ՍԻՄՈՆՅԱՆ
գործը կփոխանցվի ՀՔԾ????? Շունը շան թաթ չի կծում, թե՞ արդեն կծում է: Չէ էհ, չի կծում: Հաստատ:
Սեռական բույթի հայհոյանքի հակումը շեղում է, ոչ թե հեգեվիճակ: Հո ամեն շեղման համար մարդ չեն դատի: Բա էլ ով պիտի համակարգերում աշխատի: