Ռուսաստանաբնակ գործարար, բարերար Լևոն Հայրապետյանի փաստաբանը՝ Ռուբեն Մարգարյանը, «Ազատության» հետ զրույցում այսօր կարծիք հայտնեց, որ Եվտուշենկովի ազատ արձակմանը կհետևեն դրական զարգացումներ նաև իր պաշտպանյալի գործով:
«Մենք բողոքարկել ենք տնային կալանքի մասին որոշումը դեռ վաղուց, բայց որոշում դեռ չկա: Եվտուշենկովի որոշումից հետո մենք լիահույս ենք, լավ են տրամադրված, հասկանում ենք, որ հերթը նաև Հայրապետյանին կհասնի», – մեզ հետ զրույցում ասաց Մարգարյանը, ով Վերաքննիչ դատարան է դիմել՝ Հայրապետյանի տնային կալանքը մինչև 2015 թվականի ապրիլի 19-ը երկարաձգելու՝ Բասմանի դատարանի որոշումը բողոքարկելու համար:
Ռուսաստանի իշխանությունները երեկ են տնային կալանքից ազատել երկրի ամենահարուստ մարդկանցից մեկին՝ Վլադիմիր Եվտուշենկովին, ում նկատմամբ տնային կալանք էր սահմանվել սեպտեմբերին։ Եվտուշենկովը Ռուսաստանի խոշորագույն ֆինանսաարդյունաբերական խմբերից մեկի` АФК Система-ի հիմնադիր ղեկավարն է, որպես մեղադրյալ ներգրավվել է քրեական գործում, որի շրջանակներում մի քանի ամիս անազատության մեջ մնաց, հետո տնային կալանքի ենթարկվեց նաև հայազգի գործարար Լևոն Հայրապետյանը։
Նշենք, որ այսօրվա ասուլիսին Ռուսաստանի նախագահ Վլադիմիր Պուտինն անդրադարձել է «Սիստեմա»-ի գործին: Պատասխանելով արտասահմանցի լրագրողների հարցին՝ Պուտինն ասել է, որ Եվտուշենկովը մեղավոր չէ փողերի լվացման մեջ:
Կարդացեք նաև
Մանրամասները կարող եք կարդալ` «Ազատություն» ռ/կ-ի կայքում
