Ուշագրավն այն է, որ այս խոշոր սպեկուլյանտներն այսօր կանգնել են կոտրած տաշտակի առաջ։ Իրենց մոտ հավաքված մեծ քանակությամբ արտարժույթը, որ գնել էին թանկ գնով, աչքի առաջ արժեզրկվում է։ Ու, որ ամենաուշագրավն է, այս մարդիկ այսօր ավելի մեծ խուճապի մեջ են՝ չգիտեն՝ դրամի՞ վերածել իրենց արտարժույթը, թե՞ առայժմ պահել։
Մի կողմից՝ տեսնում են, որ դրամն արժևորվում է, իրենց մոտ եղած արտարժույթը՝ արժեքը կորցնում։ Մյուս կողմից՝ հասկանում են, եթե սկսեն դոլարները վաճառել, դոլարի գինն ավելի կընկնի։ Այս ամենի մեջ մի դրական բան կա. ոմանք միգուցե հասկանան, որ սպեկուլյացիաների մեջ մտնելով, «շուստրիություն» անելով՝ հնարավոր է նաև լուրջ վնասներ կրել։ Ի դեպ, չի բացառվում, որ այդ մարդիկ սկսեն ակտիվ լուրեր շրջանառել, որ դոլարը նորից կտրուկ թանկանալու է։ Հույսով, որ քաղաքացիները նորից խուճապահար կվազեն դոլար գնելու, և արտարժույթի գինը կբարձրանա։
Հրապարակումն ամբողջությամբ՝ «168 Ժամ» թերթի այսօրվա համարում:
