Թուրքիայի նախագահ Ռեջեփ Թայիփ Էրդողանը բացառել է հայ-թուրքական սահմանի բացումը, քանի դեռ Ղարաբաղի հարցում որեւէ քայլ չի ձեռնարկվել: Թուրքական sondakika.com-ի հաղորդմամբ՝ այս մասին Թուրքիայի նախագահը ասել է Սաուդյան Արաբիայից վերադառնալու ճանապարհին` ինքնաթիռում լրագրողների հետ զրույցի ընթացքում:
Լրագրողներից մեկը հետաքրքրվել է, թե Ցեղասպանության 100-րդ տարում կլինե՞ն ինչ-որ նախաձեռնություններ կամ քայլեր Հայաստանի և հայերի հետ կապված, ինչպես, օրինակ, սահմանի բացումը: Էրդողանը պատասխանել է. «Մեր պայմանն է. քանի դեռ ղարաբաղյան հարցում որևէ քայլ չի ձեռնարկվել, սահմանները չենք կարող բացել»:
Նա նաեւ դժգոհել է Լեռնային Ղարաբաղի հակամարտության ներկա փուլից: Ըստ նրա՝ խնդրի մասին Պուտինի, Օլանդի կամ Օբամայի հետ խոսելիս վերջիններս մշտապես նշում են, որ զբաղվում են խնդրով, սակայն «արդյունքը չի երևում»:
Պատրաստեց Աշոտ ԻՍՐԱԵԼՅԱՆԸ
Արդեն հայտարարել ենք, որ փողոց ենք դուրս գալու այս տարվա ապրիլի 24-ին:
Սակայն, մինչեվ ռեժիմի հարցերը չենք լուծել մենք չնք կարող վերականգնել ՄԵԾ ՀԱՅՔԸ:Այնպես որ չարախոսեք քանի դեռ ժամանակ ունեք մեծամիտներ