Երուսաղեմում շարունակվող շախմատի Եվրոպայի տղամարդկանց անհատական առաջնության ութերորդ տուրում համաշխարհային օլիմպիադայի եռակի հաղթող Գաբրիել Սարգսյանի եւ Անդրեյ Վոլոկիտինի պայքարն ավարտվեց ոչ-ոքի արդյունքով: Այս երկու գրոսմայստերները եւս չորս շախմատիստների հետ միասին 6,0-ական միավորով բաժանում են 2-ից 7-րդ հորիզոնականները: Մրցաշարային աղյուսակի առաջատարի դերը 6,5 միավորով ստանձնել է ռուսաստանցի Յան Նեպոմնյաշչին:
Իսրայելում հաջող է հանդես գալիս Հայաստանի փոխչեմպիոն Արման Միքայելյանը (նկարում): Չնայած ընթացիկ տուրում կրած պարտությանը, որն առաջինն է մրցաշարում, պատանի շախմատիստը 4,5 միավորով 250 մասնակիցների մեջ ընթանում է 77-րդ տեղում:
Աշոտ ՀԱԿՈԲՅԱՆ
Կարդացեք նաև
Լուսանկարը՝ armchess.am-ի
