Անդրիաս Ղուկասյանը հուլիսի 17-ին «Ոտքի, Հայաստան» շարժման հանրահավաքի ընթացքում ընթերցեց նախաձեռնության կանոնադրությունը:
Ըստ կանոնադրության նախաձեռնության Գլխավոր նպատակներն են` պաշտպանել Հայաստանի ժողովրդի քաղաքական, քաղաքացիական, տնտեսական, սոցիալական եւ մշակութային շահերը քրեական օլիգարխիայի ոտնձգություններից, վերականգնել սահմանադրական կարգը: Իսկ այդ նպատակներին հասնելու գլխավոր եղանակը քաղաքացիական անհնազանդությունն է:
Խորհուրդն ունի տասնմեկ անդամ, յուրաքանչյուրը մեկ ձայնի իրավունքով: Խորհրդի անդամն ունի տասնմեկ թեկնածուն, որոնք իրավունք ունեն մասնակցել բոլոր նիստերին, կարծիք հայտնել:
Նախապես հայտարարել էր, որ հանրահավաքի ավարտից հետո «Ոտքի, Հայաստան» նախաձեռնությունը երթով գնալու է Հանրապետության հրապարակ, սակայն երթը տեղի չունեցավ: Նախաձեռնության անդամ Դավիթ Սանասարյանը լրագրողների հետ զրույցում տեղեկացրեց, որ մարդկանց քիչ լինելու պատճառով են որոշել երթ չանել:
Կարդացեք նաև
Անդրադառնալով նախաձեռնության կանոնադրությանը Դավիթ Սանասարյանը հայտարարեց, որ այն փոփոխման ենթակա է, հիմա քննարկումներ են անում, եւ եթե քաղաքացիները խելամիտ առաջարկներ անեն, ապա խորհուրդը կդիտարկի դրանք:
Հարցին, թե «Ոտքի, Հայաստան» նախաձեռնությունը պայքարո՞ւմ է նաեւ սահմանադրական բարեփոխումների դեմ, Դավիթ Սանասարյանը պատասխանեց. «Ժամկետներ ունենք եւ առաջիկայում՝ օգոստոսի 1-ին էլեկտրաէներգիայի սակագինը բարձրանալու է, առաջնահերթ դա կանենք եւ կանցնենք սահմանադրական բարեփոխումներին»:
Ամի ՉԻՉԱԿՅԱՆ
