Վարչական դատարանն այսօր մերժել է ոստիկանության հայցն ընդդեմ քաղաքացիական ակտիվիստ Վրեժ Զատիկյանի:
Ոստիկանությունը պահանջում էր վարչական պատասխանատվության ենթարկել Վրեժ Զատիկյանին 2013 թվականի սեպտեմբերի 5-ին Տիգրան Մեծ պողոտային հարող Մելիք Ադամյան փողոցում մի խումբ ակտիվիստների հետ խաղաղ հավաք անցկացնելու ընթացքում ոստիկանների օրինական պահանջը չկատարելու համար:
«Ոստիկանությունը այդ խաղաղ հավաքի ժամանակ բերման էր ենթարկել Վրեժ Զատիկյանին՝ պատճառաբանությամբ, թե ինքը փորձել է ճեղքել ոստիկանական շղթան, չի ենթարկվել ոստիկանի օրինական պահանջին, բայց ոստիկանությունը դատարանում չի հիմնավորել ոչ օրինական պահանջը, ոչ էլ այն, որ իրոք Վրեժ Զատիկյանը փորձել է ճեղքել ոստիկանական շղթան: Դատարանը մերժեց ոստիկանության հայցը եւ բավարարեց մեր հակընդդեմ հայցը՝ ոստիկանների գործողությունները ոչ իրավաչափ ճանաչելու մասին»,- Aravot.am-ին ասաց Վրեժ Զատիկյանի փաստաբան Ռոբերտ Ռեւազյանը (լուսանկարում):
Արփինե ՍԻՄՈՆՅԱՆ
Կարդացեք նաև
Լուսանկարը՝ փաստաբանի ՖԲ էջից:
