«Սահմանադրությունը չի կարող լինել մարդակենտրոն: Հիշատակում ենք ամուսնությունը՝ իբրեւ կնոջ եւ տղամարդու միություն, ոչ թե այր եւ կին, ի՞նչ արեցինք մեր տղամարդկանց, հիմա աղջիկնե՞րը գնան տղա ուզեն, ինչո՞ւ տղամարդու եւ կնոջ միություն չի հնչում, ինչո՞ւ են տեղերը փոխված: Եկեք տեղը բերենք, էլի, այսքան չի կարելի աղավաղել արժեհամակարգը: Տղամարդը դարձել է 128-րդ տեղի ինչ-որ մի պարագա»,- այսօր ԱԺ լսումների ժամանակ գրող, հրապարակախոս Լիա Ավետիսյանը, խոսելով Սահմանադրության նախագծի մասին՝ այսպիսի գնահատական տվեց իր ելույթում:
Նրա խոսքերով՝ տղամարդկանց գցում են՝ միասեռականերից հետո, կանանցից հետո, հիվանդներից հետո. «Է հետո՞, վաղը կռիվ է լինելու, տղամարդկանց եք ուղարկելու, այդքան մերժված, այդքան տրորված տղամարդկա՞նց»:
Նա դժգոհեց, որ Սահմանադրության մեջ չի ամրագրվում հայրենիք, սեր, արդարություն բառերը. «Սա սիրո եւ արդարության խոսք է, որ ազգի ընտրյալները հղում են ժողովրդին, բայց հիմա փորձ է արվում վերացնել այն լավը, ավանդականը, ինչը կապում է մեզ»:
Ելույթի վերջում կինը եզրակացրեց՝ սա Սահմանադրություն չի, սա թուղթ ու գիր է:
Կարդացեք նաև
Հռիփսիմե ՋԵԲԵՋՅԱՆ
