Ֆուտբոլային ասոցիացիաների միջազգային խորհուրդը (IFAB), որը զբաղվում է ֆուտբոլում նոր օրենքներ մտցնելով եւ կարգավորելով, մարտի 5-ին Կարդիֆֆում կայանալիք ամենամյա ընդհանուր ժողովում քննարկելու է մրցավարներին օգնելու նպատակով հանդիպման ընթացքում տեսակրկնության գործածման թեման: Օրակարգում են նաեւ ֆուտբոլիստի եռակի պատժի (11 մետրանոց տուգանային հարված, խախտում թույլ տված ֆուտբոլիստի հեռացում եւ ավտոմատ որակազրկում) եւ որոշ տեսակի խախտումների համար ֆուտբոլիստի ժամանակավոր (մի քանի րոպեով) հեռացման հետ կապված խնդիրները:
IFAB-ը կարող է նաեւ չորրորդ փոխարինում թույլ տալ լրացուցիչ ժամանակում: Այս մասին տեղեկացնում է ՖԻՖԱ-ի կայքը:
Աշոտ ՀԱԿՈԲՅԱՆ
Լուսանկարը՝ IFAB-ի