Այսօր՝ փետրվարի 3-ին, «Արամ Մանուկյան» կենտրոնում, տեղի ունեցավ ՀՅԴ Հայաստանի Գերագույն մարմնի նախաձեռնությամբ անցկացվող ներկազմակերպական հերթական խորհրդակցությունը: Հանդիպմանը մասնակցում էին ՀՅԴ Բյուրոյի, Գերագույն մարմնի անդամներ և կուսակցական ակտիվի ու մտավորական շրջանակի շուրջ 70 ներկայացուցիչներ:
Խորհրդակցության ընթացքում ՀՅԴ Բյուրոյի քաղաքական ներկայացուցիչ Արմեն Ռուստամյանը սահմանադրական բարեփոխումների համատեքստում անդրադարձավ ՀՅԴ դերակատարությանն ու անելիքներին, իշխանության հետ հնարավոր համագործակցության ձևաչափին վերաբերող հարցերին:
Կարևորվեց կուսակցության մոտեցումները հանրության լայն շրջանակներին բացատրելու և պատշաճ ներկայացնելու հարցը։ Առանձնահատուկ շեշտվեց սահմանադրության լիարժեք կենսագործման ուղղությամբ հստակ քայլերի ձեռնարկման և որպես առաջին քայլ՝ վստահություն ներշնչող նոր Ընտրական օրենսգրքի մշակման ու ընդունման անհրաժեշտությունը։
Խորհրդակցության ընթացքում հատուկ ընդգծվեց պետականաշինության նոր փուլում ՀՅԴ ստանձնելիք ակտիվ դերակատարության կարևորությունը։
Կարդացեք նաև
Հանդիպման վերջում կայացած հարցուպատասխանի ընթացքում Գերագույն մարմնի ներկայացուցիչ Աղվան Վարդանյանը և ԳՄ անդամ Արծվիկ Մինասյանը պարզաբանումներ ներկայացրեցին օրակարգային մի շարք հարցերի կապակցությամբ։
ՀՅԴ ԳՄ մամլո դիվան
շատ պարզ, ջինջ ու յստակ է այս ամէնը
շնորհակալութիւն այս հոյակապ ու մանրակրկիտ զեկոյցին համար
իսկ նաեւ կը շնորհաւորենք որ, այսպիսի էական նիւթի մը կապակցութեամբ, համաշխարհային կառոյցով այս կուսակցութեան սոյն համագումարին ներկայ էին բոլոր երկիրների միաւորների ներկայացուցիչները (այդ ուրիշ որ, նոյնիսկ եթէ այդպէս ըլլար, արդիւնքը տարբեր պիտի չըլլար… ուրեմն գոնէ այդ աւելորդ ծախսը խնայուեցաւ, ատոր համար ալ պրավո)