«Այսօր պոեզիան կենտրոնացել է անհատների շուրջը, իսկ արձակ ժանրում ավելի հետաքրքիր ստեղծագործողներ են կան` Արամ Պաչյան, Հրաչ Սարիբեկյան, որոնք հետաքրքիր լուծումներով արձակ են ստեղծում»,-այսօր «Զարկերակ» մամուլի ակումբում ժամանակակից գրականությունն այսպես բնորոշեց գրականագետ Հասմիկ Հակոբյանը: Հիշեցնենք, որ մարտի 3–ը գրողների միջազգային օրն է:
Հասմիկ Հակոբյանի խոսքով` ներկայիս գրական դաշտը խառնիճաղանջ է, իսկ գրական գործընթացները դասակարգող գրականագիտական հոդվածներ նախկինի պես չեն գրվում. «Եթե վեց տարի առաջ կատարվում էր այդ պարբերականացումը, ապա այսօր գրականագիտական ամփոփումների բաց կա: Գրողը գրում է, հասարակությունը ընթերցում, բայց գրականագիտական ընթացքը համակարգել է պետք, նաեւ` սահմանել գաղափարական զարգացումները: Առանձին գրողներ շատ լավ են ստեղծագործում, բայց նրանց արժեվորելու համար գրականագիտական հոդվածներ են պետք»:
Գրականագետի դիտարկմամբ` ժամանակակից գրականության ընկալման գործում հասարակությունը հետ է մնում. «Դպրոցից հետո մենք չենք սովորում մտածել եւ ինքնուրույն տեսնել նոր բան: Դպրոցում մեզ սովորեցնում են Սիլվա Կապուտիկյանից մինչեւ Պարույր Սեւակ, եւ թվում է, թե այդպիսի հեղինակներից հետո ոչ մեկ չկա: Գուցե ժամանակակից գրականությունն ընկալելու համար առանձին դասընթացներ են պետք»:
Կարդացեք նաև
Լուիզա ՍՈՒՔԻԱՍՅԱՆ
Աղջիկ ջան, կարդում ենք ժամանակակիցներիդ: Կարող է Սևակից ուժեղ են գրում? Մեր կարդացած արդի մի քանի լավ գրողների մասին երևի դու տեղյակ էլ չես, այդպես գրականագետ չեն դառնա: