ԶԼՄ-ներում տեղեկություն է տարածվել, թե Միջազգային օլիմպիական կոմիտեն ծանրորդներ Հռիփսիմե Խուրշուդյանին եւ Տիգրան Գ. Մարտիրոսյանին արգելել է մասնակցել Ռիո դե Ժանեյրոյի օլիմպիական խաղերին եւ« որ ՄՕԿ-ը Հայաստանի ազգային օլիմպիական կոմիտեից պահանջել է վերադարձնել 2008 թվականին Պեկինում նրանց ստացած մեդալները:
Մեր երկու ծանրորդների որակազրկման լուրը այսօր դեռ ոչ հաստատել կարելի է, ոչ էլ՝ հերքել, քանի որ ոչ ՄՕԿ-ը, ոչ ՎԱԴԱ-ն անուններ պաշտոնապես դեռ չեն հրապարակել:
Բայց մի ճշտում. Հռիփսիմե Խուրշուդյանը Պեկինի օլիմպիական խաղերում մեդալ չի նվաճել: Նրա Չինաստան մեկնելու որոշումը կայացվել էր վերջին պահին՝ փոխարինելու Մելինե Դալուզյանին եւ որտեղ Հռիփսիմեն զբաղեցրել է, եթե չենք սխալվում, 11-րդ տեղը:
Ըստ ՄՕԿ-ի տարածած հաղորդագրության, 2008 եւ 2012 թվականներին մասնակցած մարզիկների դոպինգ նմուշների «B» սրվակների վերստուգումը իրականացվելու է հունիսի առաջին օրերին, Ավստրիայի լաբորատորիայում եւ որակազրկված մարզիկների անունները պաշտոնապես պետք է որ հրապարակվեն արդեն եկող շաբաթ: Այնպես որ, մի քանի օր է մնում՝ հաստատ իմանալու, թե դոպինգային սկանդալը Հայաստան հասե՞լ է, թե՞ ոչ:
Կարդացեք նաև
Աշոտ ՀԱԿՈԲՅԱՆ
Հ. Գ. Թեմայի մասին մանրամասն՝ «Առավոտ» օրաթերթի վաղվա համարում
