Ազատության հրապարակում Ամանորի գիշերը ոստիկանի նկատմամբ բռնություն կիրառելու մեջ մեղադրվող ակտիվիստ Գեւորգ Սաֆարյանի պաշտպան՝ փաստաբան Տիգրան Հայրապետյանի միջնորդությունն այսօր դատարանը մերժեց:
Հիշեցնենք, որ փաստաբան Հայրապետյանը Կենտրոն եւ Նորք Մարաշ վարչական շրջանների ընդհանուր իրավասության դատարանում Գեւորգ Սաֆարյանի խափանման միջոցը փոխելու միջնորդություն է ներկայացրել: Իսկ դատարանը մերժեց՝ այն անհիմն համարելով:
Այսօր դատարանում ցուցմունք տվեց գործով տուժող Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանը, բայց, քանի որ արդեն աշխատանքային ժամը մոտենում էր ավարտին, դատարանը հետաձգեց նիստը մինչեւ հունիսի տասնչորսը: Գեղամ Խաչատրյանի հարցաքննությունը կշարունակվի հունիսի տասնչորսին:
Հիշեցնենք, որ Գեւորգ Սաֆարյանին մեղադրանք է առաջադրվել Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ բռնություն կատարելու համար:
Կարդացեք նաև
Արփինե ՍԻՄՈՆՅԱՆ
