Վերջին շրջանում սպառողերի բողոքները շատացել են. խանութներում «գնանկման» անվան տակ անորակ կամ վերամշակված սնունդ է վաճառվում: Այս մասին այսօր «Պոստ Սկրիպտում» մամուլի ակումբում լրագրողներին հայտնեց «Սպառողների ասոցիացիայի» նախագահ Արմեն Պողոսյանը:
Նա առայժմ անուններ չի տալիս, դեպքերը փաստերով ապացուցելու կարիք կա. «Խավիարի եւ պանրի մասին է խոսքը, որոնք կասկած են հարուցել: Պանիրն էժանացրել են, բայց երեւում է, որ վերամշակված է: Երեւույթը որպես կանոն տոներից առաջ նկատվում է, երբ առեւտուրը շատանում է»:
Ըստ Արմեն Պողոսյանի՝ սննդային խանգարումների 90%-ը կապված է ոչ թե սննդի որակի, այլ դրա ոչ ճիշտ պահպանման եւ տեղափոխման հետ. «Մսի կիսաֆաբրիկատը չի կարելի երկու անգամ սառնարան դնել-հանել: Որոշ տանտիկիններ ինձ ասել են՝ տոլման կերանք ութերորդ օրը ու մեզ բան չպատահեց… Այն, ինչ պետք է պատահեր, միանգամից չի երեւա, բայց առողջության վրա հետեւանք կթողնի»:
Արմն Պողոսյանը կասկածելի սնունդ հայտնաբերելու դեպքում խորհուրդ է տալիս ահազանգել Սննդամթերքի անվտանգության պետական ծառայությանը:
Կարդացեք նաև
Լուիզա ՍՈՒՔԻԱՍՅԱՆ
