«Լեւոն Տեր-Պետրոսյանին արդեն գցել են առաջ եւ հողեր հանձնելու հարցը առաջ են քաշել»,- մարտի 25-ին «Ելք» դաշինքի քարոզարշավի ընթացքում ասաց դաշինքի անդամ Սասուն Միքայելյանը:
Նա հավելեց. «Այս հողերը մի քանի հոգի չեն ազատագրել, այս հողերը ազգովի ենք ազատագրել: Եվ մի քանիսը իրավունք չունի մեր երկրի ճակատագրի, մեր հողերի ճակատագրի հետ խաղալ: Դրան գումարած՝ վաղը հողեր հանձնելու որոշումը, ես հարյուր տոկոսով գիտեմ, որ Ազգային ժողովն է կայացնելու: Դրա համար մեզ պետք է որպես մեծ ընդդիմություն մտնել Ազգային ժողով, որպեսզի կարողանանք այդ ամենի դեմն առնել»:
Սասուն Միքայելյանի խոսքերով «Ելք» դաշինքը միակ ուժն է, որ կարող է հակակշիռ լինի իշխանությանը եւ Ազգային ժողովում հարց լուծի. «Կտաք մանդատ, ինչ տոկոսի մանդատ կտաք, այնքան կպահենք ձեր իրավունքները: Կտաք մեծ հնարավորություն՝ 50+1, 40+1, մենք կանենք իշխանափոխություն»:
Ամի ՉԻՉԱԿՅԱՆ
Կարդացեք նաև
