«Առավոտը» ՀՀԿ-ի ցուցակով առաջադրված կոմպոզիտոր, ժողովրդական արտիստ Մարտին Վարդազարյանին հարցրեց՝ այն մտավորականները, հասարակական գործիչները, որոնք ժողովրդի կողմից սիրված են, ընդունված են, երբ սկսում են ՀՀԿ-ին սատարել, առավել եւս՝ ՀՀԿ-ի ցուցակով առաջադրվում են, նրանց համարում են վարկաբեկված, Դուք սրան ինչպե՞ս եք վերաբերվում: Նա պատասխանեց. «Իհարկե, վատ եմ վերաբերվում, դա ճիշտ ճանապարհ չի: Դա վիրավորանքի տարբերակներից մեկն է: Դրանով առաջընթաց չի լինի: Ինչ եք կարծում, իմ նույն գործընկերները Երեւանի վա՞տն են ուզում: Ինձ ՀՀԿ-ի ֆրակցիան առաջարկեց ընդգրկվել, եւ ես շնորհակալությամբ ընդունել եմ, որ գուցե փոքր, չերեւացող ինչ-որ բանով, բայց օգտակար լինեմ Երեւանին եւ երեւանցուն»:
Մեր հարցին՝ Միքայել Պողոսյանն ասել էր՝ որ եթե իմանամ ՀՀԿ-ն է, դուրս կգամ, ՀՀԿ-ի կողմից առաջադրվելն ինչո՞ւ է այդքան վատ ընդունվում՝ ըստ Ձեզ, նա պատասխանեց. «Մտավորականների կողմից ՀՀԿ-ն, համենայնդեպս՝ իմ շրջապատում, ես չեմ կարծում, որ վատ է ընդունվում, որովհետեւ հակավոր է սեւ ակնոցները հանել, եւ այդ ժամանակ արդեն ուրիշ հայացքով կնայեք ամեն ինչի»:
Կարդացեք նաև
«Առավոտ»
27,04.2017
