Մանվել Գրիգորյան. «Մինչեւ միասնական չլինենք, հզոր բանակ չունենանք, այսպես արյուն տալով երկար ճանապարհ չունենք անցնելու»

Մանվել Գրիգորյան. «Մինչեւ միասնական չլինենք, հզոր բանակ չունենանք, այսպես արյուն տալով երկար ճանապարհ չունենք անցնելու»

Այսօր Նոր Նորք վարչական շրջանի տարածքային բաժանմունքում Փառքի սրահի բացման ժամանակ ԵԿՄ նախագահ Մանվել Գրիգորյանը լրատվամիջոցներին ասաց. «Առանց մեր պատմությունը հիշելու, մեր ապագան չենք կարող առաջ տանել: Հատկապես մեր կամավորականները թե Արցախյան ազատամարտում, թե ապրիլյան պատերազմում շատ զոհեր են տվել: Էլ չեմ խոսում հարյուրավոր հաշմանդամների մասին:

Զոհվածների հիշատակը վառ պահելու համար տղաները պետք է մի անկյուն ունենան, իսկ նրանց ծնողներն ու հարազատներն զգան, որ նրանց հիշում ենք»:

Հարցին, թե սահմանում լարվածությունը կրկին մեծացել է՝ մենք ի՞նչ պետք է անենք, գեներալը պատասխանեց.

«Սահմանում լարված է դեռ 89 թվից: Կարելի է ասել՝ շաբաթ չկա, որ մի հայ զինվոր չզոհվի կամ հաշմանդամ չդառնա: Սա արդեն մեր երկրի, մեր պետության, մեր բոլորի խնդիրն է: Բոլորս պիտի մի տեղ զգաստանանք: Եթե մենք ուժեղ չլինենք, միասնական չլինենք, ուժեղ երկիր չունենանք, մեր բանակը հզոր չլինի, այսպես արյուն տալով երկար ճանապարհ չունենք անցնելու: Մեր հզորությունը մեր միասնության, բանակի մարտունակության եւ տեխնիկապես զարգացած լինելու մեջ է: Մեր չորս կողմը մեր վատը ցանկացող երկրներ են: Պատերազմը ոչ մի լավ բան չի բերում: Բոլորն էլ տուժում են: Որբանում է մի մայր, մի երեխա: Իսկ մենք էդքան շատ չենք: Մենք պետք է վերջնականապես այնքան հզոր լինենք, որ մեր հակառակորդները չփորձեն կրակել մեր զինվորի վրա, չփորձեն ներխուժել»:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք