Սաակաշվիլին փորձում էր Կիև հասնել գնացքով, չնայած որ Ուկրաինայի իշխանություններն ավելի վաղ նրան զրկել էին երկրի քաղաքացությունից:
Երբ Սաակաշվիլին գնացք է նստել, բարձրախոսով հայտարարել են, որ ուղևորը, որի մուտքն Ուկրաինա արգելված է, պետք է լքի վագոնը: Սաակաշվիլիից բացի՝ գնացքում են եղել Ուկրաինայի նախկին վարչապետ Յուլյա Տիմոշենկոն և մի քանի այլ քաղաքական գործիչներ: Նրանից մեկը՝ նախկին պատգամավոր Եգոր Ֆիրսովը հայտարարել է, որ գնացքը կանգնեցվել է, իսկ մյուս ուղևորներն Ուկրաինա կտեղափոխեն ավտոբուսներով:
Հապշտապ հրավիրված մամուլի ասուլիսում Սաակաշվիլին հայտարարել է, որ որոշել է վերադառնալ իր նախնական ծրագրին և սահմանն անցնել ավտոմեքենաների համար նախատեսված «Կրակովեց» անցակետից:
«Ես բոլորին առաջարկում եմ ինձ հետ անցնել դեպի «Կրակովեց» անցակետ»,- ասել է նա:
Սաակաշվիլին նշել է, որ ցանկանում է Ուկրաինա վերադառնալ օրինական անապարհով,իսկ դրա համար անհրաժեշտ է կապ հաստատել ուկրաինացի սահմանապահների հետ: «Իսկ այստեղ՝ կայարանում, դա հնարավոր չէ»,- ասել է նա:
Հիշեցնենք, 2017թ. հուլիսի 26-ին Ուկրաինան Սաակաշվիլիին զրկեց քաղաքականությունից՝ պատճառաբանելով, որ քաղաքացիություն ստանալիս նա կեղծ փաստաթղթեր է ներկայացրել: Ինքը՝ Սաակաշվիլին հերքում է դա:
Քաղաքացիությունից զրկվելու պահին Սաակաշվիլին գտնվում էր ԱՄՆ-ում, որտեղից այնուհետև տեղափոխվել է Եվրոպա և եղել ԵՄ մի քանի երկրներում: Նա հավաստիացնում է, որ բացի ուկրաինական աձնագրից՝ այլ փաստաթուղթ չունի. Վրաստանի քաղաքացիությունից նա զրկվել էր 2015թ., երբ դարձել էր Ուկրաինայի քաղաքացի:
Պատրաստեց Վիկտորյա ԱՆԴՐԵԱՍՅԱՆԸ
