Բռնաբարվելու մասին հայտարարած ռուս կինը եւ հայ տաքսիստը փորձել են բռնաբարության մեջ մեղադրվողի հորից փող շորթել

Բռնաբարվելու մասին հայտարարած ռուս կինը եւ հայ տաքսիստը փորձել են բռնաբարության մեջ մեղադրվողի հորից փող շորթել

Նախկինում հայտնել ենք`հոկտեմբերի 5-ին Մոսկվայի 36-ամյա բնակչուհին Երեւանում ոստիկանությանը հայտնել է, որ նախօրեին Նոյեմբերյան քաղաքի վարչական տարածքում BMW մակնիշի ավտոմեքենայի վարորդն ավտոմեքենայի մեջ իրեն բռնաբարել է: Լոռու մարզի Ճոճկան գյուղի բնակիչ 35-ամյա տղամարդը  ներգրավվել է որպես մեղադրյալ: Դատարանի որոշմամբ նրա հանդեպ խափանման միջոց է ընտրվել երկու ամիս ժամկետով կալանքը: Դեպքի կապակցությամբ քրեական գործ է հարուցվել ՀՀ քրեական օրենսգրքի 138 հոդվածի 1-ին մասով: Նշանակված է դատաբժշկական փորձաքննություն: Քննությունը կատարում է ՀՀ քննչական կոմիտեի Տավուշի մարզային քննչական վարչության Նոյեմբերյանի քննչական բաժինը:

Այս պատմությունը նոր զարգացում է ստացել: Բռնաբարության մասին բողոքած ռուս կինը Նոյեմբերյանի տարածաշրջանի`Վրաստանին սահմանակից գյուղերից մեկի բնակիչ տաքսիստի հետ ճանապարհին պայմանավորվել է, որ տաքսիստը կնոջ անունից դիմի բռնաբարության մեջ մեղադրվողի հորը, որպեսզի  վերջինս գումար վճարի: Այդ գումարի դիմաց ռուս կինը պետք է քննիչներին դիմում գրեր, որ ինքը բռնաբարության գործով բողոք չունի: Գումարը չափը մի քանի հազար դոլար է:

Մեր տեղեկություններով` ոստիկանության Նոյեմբերյանի բաժնում այսօր՝ հոկտեմբերի 12-ին այդ կապակցությամբ քննություն է կատարվել: Առաջիկայում, ըստ ամենայնի, շորթման հոդվածով քրեական գործ կհարուցվի:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք