«Մեր տղաներն այնտեղ կանգնած են վահաններով: Ինչո՞ւ: Եվ ո՞ւմ են պաշտպանում, այն մարդուն, ում ժողովրդի մի մասը քվե է տվե՞լ: Ո՞վ է այդ շենքի մոտով անցնելու, այդքան վախկոտ կլինի՞ մարդ, այսքան սուտ կլինի՞ իրականությունը»,- այսօր Հանրապետության հրապարակում, հանրահավաքի մեկնարկին՝ ցույց տալով կառավարական շենքը մի քանի շարքով պաշտպանող ոստիկաններին, ասաց շարժման առաջնորդ Բագրատ սրբազանը:
Հանրահավաքը մեկնարկեց Տերունական աղոթքով:
«Մեր երկիրն ավերակված է՝ ֆիզիկապես, հոգեպես, բարոյապես, մտքով եւ այդ ամենի պատասխանատուն էլ են իրենք, այս շենքի մարդիկ»,- Նիկոլ Փաշինյանին նկատի ունենալով ասաց սրբազանը:
Նա դրվատանքի խոսքով դիմեց ուսանողներին, ովքեր միացել են շարժմանը՝ հավելելով, որ շարժումն իրականում նոր բնույթ է ստանում, նաեւ որոշակի իմաստով մաքրվում է:
Կարդացեք նաև
Սրբազանը նաեւ նկատեց, որ երկու օր է՝ շարժման անդամները խոսում են հաշտության մասին, մինչդեռ իշխանական շրջանակները շարունակում են իրենց «թունավորումները». «Գիտեմ, որ այդքան ընկած վիճակում են գտնվում, բայց այսչափ չէի պատկերացնում»:
Մանրամասները շուտով՝ տեսանյութում
Հիշեցնենք նաեւ, բողոքն ընդդեմ անօրինական սահմանազատման եւ սահմանագծման էր, ինչի արդյունքում Ադրբեջանին են փոխանցվում ոչ միայն Հայաստանի իրավազորության տակ գտնվող տարածքները, այլ հենց ՀՀ ինքնիշխան տարածքները։ Դեպի Երեւան երթը մեկնարկել է մայիսի 4-ին։ Երեկ, Հանրապետության հրապարակում, հանրահավաքի ժամանակ նաեւ Նիկոլ Փաշինյանի հրաժարականի պահանջ դրվեց:
Նելլի ԳՐԻԳՈՐՅԱՆ
