Վուշի սերմերը կիրառվում են մի շարք հիվանդությունների դեպքում՝ հատկապես քրոնիկ փորկապության, գաստրիտների, հաստ աղու գործունեության խանգարումների, թունավորումների, չոր հազի, աթերոսկլերոզի ժամանակ:
Որպես լուծողական, հակաբորբոքային, հակաթունային միջոց պատրաստելու համար անհրաժեշտ է 7 գրամ վուշի սերմերին ավելացնել 1 բաժակ տաք ջուր, 15 րոպե թափահարել, քամել: Ընդունել 1/4 բաժակից օրը 3 անգամ՝ ուտելուց 30 րոպե առաջ եւ չմոռանալ, որ ամեն անգամ պետք է օգտագործել թարմ պատրաստված ջրաթուրմը:
Լուծողական մեկ այլ միջոց էլ կարող եք պատրաստել հետեւյալ կեպ. 1 թեյի գդալ սերմերին ավելացնել 1 բաժակ եռացրած սառեցրած ջուր, թողնել 10-12 ժամ, տաքացնել ջրաբաղնիքի վրա 5 րոպե, թափահարել 10 րոպե, քամել: Ընդունել 1 բաժակ՝ քնելուց առաջ: Հակացուցված է խոլեցեստիտի ժամանակ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
18.11.2017
