«Ճիշտ ա ասում նախագահը»- խորհրդարանում լրագրողների հետ զրույցում ասաց գեներալ-պատգամավոր Սեյրան Սարոյանը`պատասխանելով Համայնքների միության 6-րդ համագումարում նախագահ Սերժ Սարգսյան այն հայտարարությանը, որ այլեւս չեն հանդուրժելու գողացող, թալանող համայնքապետերին:
«Նախագահը, որ մի բան ասում է, ուրեմն գիտի, որ ասում է: Էսօր մեր համայնքապետերը ո՞նց են ընտրվում. իրենց ազգությունը շատ է լինում, դառնում են գյուղապետ: Էդ փողերը ծախսում էին ոչ թե նորմալ տեղերում, այլ ոնց ուզեին, հիմա խնդիրը ոչ թե գողանալն էր, ճիշտ չեք հասկացել նախագահին, այլ փոշիացնելը, էդ փողերը չի կարելի փոշիացնել»,-մանրամասնեց Սեյրան Սարոյանը:
Լրագրողները նկատեցին`նախագահը շեշտել է, որ գումարներն էլ տուն չեն տարվելու: «Դե բա փոշիացնում է, մի բան էլ պետք է տուն տանի»:
Հարցին` շա՞տ են թալանել համայնքապետերը, նա պատասխանեց. «Ի՞նչ իմանամ, ես ռեւիզո՞ր եմ: Հենա` Զաքարյան Իշխանից հարցրեք»:
Հարց հնչեց նաեւ թանկացումների մասին: «Դե որ ամոթ ունենան էդ թանկացողները՝ չեն թանկացնի, գետինը մտնեն, էդքան հարստանալ պետք չի էլի, օլիգարխ չէ, ինչ ուզում է լինի»:
Այլ մանրամասները` տեսանյութում
Նելլի ԳՐԻԳՈՐՅԱՆ
