ՏՄՊՊՀ ուսումնասիրության արդյունքներով բենզինի, դիզելային վառելիքի և սեղմված բնական գազի թանկացմանը զուգահեռ, մի շարք լայն սպառման ապրանքների գծով արձանագրվել է նաև գնի նվազում, ինչը պայմանավորված է որոշ շուկաներում մուտքի խոչընդոտների վերացմամբ, ԵԱՏՄ անդամակցությամբ և այլ օբյեկտիվ գործոններով. «Մասնավորապես, 2018 թվականի հունվարին 2017-ի հունվարի համեմատ 14 տոկոսով նվազել են շաքարավազի, 22 տոկոսով հավի թարմ մսի, 5 տոկոսով ձեթի, 6 տոկոսով ալյուրի, 52 տոկոսով հնդկաձավարի, 37 տոկոսով ոսպի և մի շարք այլ ապրանքների գները»:
Այս մասին, այսօր լրագրողների հետ հանդիպմանը տեղեկացրեց Տնտեսական մրցակցության պաշտպանության պետական Հանձնաժողովի նախագահ Արտակ Շաբոյանը: Նա հավելեց, որ Հանձնաժողովը շարունակում է ամենօրյա կտրվածքով դիտանցումներ և վերահսկողություն իրականացնել գերիշխող ապրանքային շուկաներում՝ հնարավոր չարաշահումները կանխարգելելու նպատակով, իսկ մրցակցային խնդիրների առկայության դեպքում կկիրառվեն օրենքով սահմանված համապատասխան միջոցներ:
ՏՄՊՊՀ
