Հունիս 29-ին հրավիրված ՀՀՇ վարչության նիստում քանիցս խոսք եղավ, թե կուսակցության մեջ կարող են պառակտումներ լինել։ Այս ամենը պայմանավորվում է նրանով, թե ինչ արագությամբ եւ ինչ տեմպերով կընդունվի կուսակցության նոր ծրագիրն ու նոր անվանումը։ Վերջիվերջո, ընդունվեց Արմավիրի նախկին մարզպետ Սեդրակ Հովհաննիսյանի այն դիտողությունը, որ հեռացողները, այսպես թե այնպես, որեւէ պատճառ կգտնեն, ուստի հարկավոր չէ շտապել որեւէ խնդրում։ Կարդացեք էջ 2:
ՍԱՆԴՈՅԱՆԸ ՀԱՐԳՈՒՄ Է ՍԱԴՈՅԱՆԻ ՀՈՒՄՈՐԸ
«Կարո՞ղ է Ազատության հրապարակն էլ մետրերի բաժանեք ու հանրահավաքներից ըստ այդմ հարկ ուզեք։ Իսկ երթերն էլ երեւի ըստ երկարությա՞ն եք նախատեսում հարկել»,- Արշակ Սադոյանի այս հարցադրումներին ֆինանսների եւ էկոնոմիկայի նախարար Էդուարդ Սանդոյանը պատասխանեց. «Ես հարգում եմ Ձեր հումորը եւ միշտ նկատել եմ, որ Դուք բոլոր ոչ ստանդարտ հարցադրումներն անում եք հումորով։ Բայց այդ հարցի պատասխանը չեմ կարող տալ, որովհետեւ հարց չկար, այլ քաղաքական առաջարկ էր երեւի»։
ՊԱՀՊԱՆՈՒՄ ԵՆ ԷԼԵԿՏՐԱԷՆԵՐԳԻԱՆ
Կարդացեք նաև
Ինչպես «Առավոտին» հայտնեց Բնապահպանության նախարարության մի պաշտոնյա, ուրբաթ օրվանից պարտքերի պատճառով անջատված է նախարարության էներգամատակարարումը։ Հավանաբար այդ կերպ իրականացվում է նախարարության հիմնական առաքելությունը՝ պահպանվում են հայրենի բնության պաշարները։
