Ստեղծվել է կառավարական հանձնաժողով, որի նպատակն է, որպեսզի Հայաստանի առաջին հանրապետության պաշտպանության նախարար Դրաստամատ Կանայանի աճյունը տեղափոխվի Հայաստան։ Հանձնաժողովում ընդգրկված է Դրոյի որդին՝ պրն Մարտիրոս Կանայանը եւ ԱԺ պատգամավոր, նախկինում բանակի սոցիալական ծառայության ղեկավար Մյասնիկ Մալխասյանը։
«ԿԱՆԻԿՈՒԼԻ», ՈՉ ԹԵ ԱՐՁԱԿՈՒՐԴ
Շատ է խոսվում, թե Ազգային ժողովն արձակուրդի մեջ է։ Մինչդեռ, իրականում, հանձնաժողովներում աշխատանքներն ընթացքի մեջ են։ Ոմանք նույնիսկ տեսակետ են հայտնում, թե Ազգային ժողովում սկսվել են «կանիկուլները», սակայն արձակուրդը դեռ առջեւում է։ Իրոք, որ Ազգային ժողովն արձակուրդ կգնա օգոստոսին՝ 24 օրով։
Կարդացեք նաև
ԶԲԱՂՄՈՒՆՔ ՈՒՆԵՆԱԼՈՒ ՀԱՄԱՐ
Վերջապես պարզվեց, թե ինչով են զբաղվելու ամուսնալուծված ֆինանսների եւ էկոնոմիկայի նախարարությունները։ Այսուհետ Միջազգային արժութային հիմնադրամի հետ բանակցությունները վարելու է Լեւոն Բարխուդարյանը, Համաշխարհային բանկի հետ բանակցելու է Արմեն Դարբինյանը։
«ՀԱՅՈՑ ՊԱՏՄՈՒԹՅՈՒՆԸ»՝ ԱՐԱԲԵՐԵՆ
Սիրիայում օրերս արաբերեն լույս կտեսնի Խորենացու «Հայոց պատմությունը»՝ Նիզար Խալիլիի թարգմանությամբ։ Նիզար Խալիլին է հայերենից թարգմանել մեր պատմիչներին, մասնավորապես Նարեկացու «Մատյանը»։
