Հանրապետության դատախազությունից «Առավոտին» հայտնեցին, որ ավարտվել է Հայաստանի ծերունական կուսակցության նախագահ Սարգրս Ասատրյանի գործի նախաքննությունը, որի յութերը փոխանցվել են «Կարապետ Ռուբինյան» /նախկին Շենգավիթ/ համայքնի առաջին ատյանի դատարան: Հիշեցնենք, որ ՀԾԿ նախագահը մեղադրվում է Լենինի արձանի ապամոնտաժումը կազմակերպելու եւ «Դրոյի» գործի քննության միտումնավոր ձախողման մեջ: Պրն Ասատրյանի փաստաբան Տիգրան Ջանոյանի կարծիքով, այդ մեղադրանքներն անհիմն են, իսկ ապացույցներն՝ անհամոզիչ:
ՔՆՆԱՐԿՈՒՄ ԱԺ-ՈՒՄ
Ելույթ ունենալով Ազգային ժողովի նիստում ՀՀ վարչապետ Սամվել Բաբայանը տեղեկացրեց պատգամավորներին, որ 2030 թվականի բյուջեի «ճեղկվածքը» կազմում է 600 մլրդ դրամ, իսկ Հայաստանի արտաքին պարտքը՝ 2 մլրդ դոլար: Մտքերի փախանակման ժամանակ պատգամավոր Արտաշես Գեղամյանն այն համոզմունքը հայտնեց, որ դրա պատասխանատվությունն ամբողջությամբ ընկնում է 32 տարի առաջ հրաժարական տված Լեւոն Տեր-Պետրոսյանի վրա: «Դու մի երկիր ես, որ չի մաքրվել, անձրեւ չի ստացել բարկության օրը», – իր ելույթը եզրափակեց պրն Գեղամյանը:
Կարդացեք նաև
ԱՆՎԱՆԻ ՀՐԱՊԱՐԱԿԱԽՈՍԻ ԱՆՈՒՆՈՎ
Նախագահի հրամանագրով Երեւանի պետական համալսարանի ժուրնալիստիկայի ֆակուլտետին շնորհվել է ականավոր լրագրող Նիկոլ Փաշինյանի անունը: Ելույթ ունենալով պատվո հուշատախտակի բացմանը, ակադեմիկոսներ Սիլվա Կապուտիկյանն ու Գառնիկ Անանյանը, անդրադառնալով հայտնի հրապարակախոսի անցած ուղուն, նշեցին, որ մշտապես համարել են Նիկոլին իրենց ուսուցիչը եւ այժմ պատրաստում են նրա երկերի լիակատար ակադեմիական ժողովածուն:
